ပြည်းအတွင်းသတင်း

ကျန်းမာရေးဝန်ကြီးအမေရိကန်ထွက်လေ့လာပြီ

ကျန်းမာရေးဝန်ကြီးဌာန ပြည်ထောင်စုဝန်ကြီး ပါမောက္ခဒေါက်တာဖေသက်ခင် (ဓါတ်ပုံ-Google Images)

အမေရိကန် နဲ့ မြန်မာ တို့ ဆက်ဆံရေး ပုံမှန် ဖြစ်အောင် ကြိုးစားမှု တစ်ခု အနေနဲ့ အမေရိကန်ဘက် က ပထမဦးဆုံး ဖိတ်ကြားတာ ကို ခံရတဲ့ မြန်မာ ကျန်းမာရေး ဝန်ကြီးဟာ ကျန်းမာရေး နဲ့ ပညာရေး ကိစ္စတွေ အဓိက ဆွေးနွေးဖို့ ဆိုပြီးတော့ အမေရိကန် ပြည်ထောင်စု ကို ရောက်ရှိနေပါတယ်။ မြန်မာ နိုင်ငံ ကျန်းမာရေး နဲ့ ပညာရေး ကဏ္ဍတွေမှာ ကြုံနေရတဲ့ အခက်အခဲတွေ နဲ့ ဒီ ခရီးစဉ် အတွင်း မျှော်လင့်ချက် တွေကို တော့ ကိုဝင်းမင်းက အဖွဲ့ဝင် တစ်ဦးနဲ့ မေးမြန်း တင်ပြထားပါတယ်။

အပြည့်အစုံဆက်ဖတ်ရန် »

အနိုင်စာရင်း

လူထုခေါင်းဆောင်ဒေါ်အောင်ဆန်းစုကြည်

ကည်ထံမှ... ပြည်သူလူထုများသို့ .....။ ========================= ယနေ့ ကြားဖြတ်ကောက်ပွဲရလဒ်သည် ပြည်သူလူထု၏ထောက်ခံမှုကြောင့် အမျိုးသားဒီမိုကရေစီအဖွဲ့ ချုပ် ကိုယ်စားလှယ်များ အောင်နိုင်မှုရကြောင်း သတင်းများတက်နေပါသည်။ ယခုလိုအချိန်မှာ... ထောက်ခံသော ပြည်သူများနှင့် အမျိုးသားဒီမိုကရေစီအဖွဲ့ ဝင်များ ပျော်ရွှင်ကြမည်မှာ သဘာဝကျပါသည်။ သို့ သော်လည်း.... တဖက်အဖွဲ့ အစည်း နှင့် ပုဂွိုလ်များအား စိတ်ထိခိုက်၊ စိတ်မကောင်းဖြစ်စေနိုင်မည့် အပြောအဆို၊ အမူအရာ အလုပ်အကိုင်များ လုံးဝရှောင်ရှားရမည် ဖြစ်သည်။ ပြည်သူသူ၏အောင်နိုင်မှုသည်... သိက္ခာရှိသောအောင်နိုင်မှု ဖြစ်စေရန် အမျိုးသားဒီမိုကရေစီအဖွဲ့ ချုပ်ဝင်အားလုံး အထူးသတိပြုစေလိုသည်။ ဒေါ်အောင်ဆန်းစုကြည် ဥက္ကဌ အမျိုးသားဒီမိုကရေစီအဖွဲ့ ချုပ်

Photo- Khu Daun

NLD ၏အတည်ပြုပြီး အနိုင်ရမြို့နယ်စာရင်း
၁။ ၀ါးခယ်မ ဧရာဝတီတိုင်း
၂။ မြန်အောင် ဧရာဝတီတိုင်း
၃။ မအူပင် ဧရာဝတီတိုင်း
၎။မြောင်းမြ ဧရာဝတီတိုင်း
၅။ဖျာပုံ၊ဒေးဒရဲ(အမျိုးသားလွှတ်တော်) ဧရာဝတီတိုင်း
၆။ ရေကြည် ဧရာဝတီတိုင်း
၇။ ပခုက္ကူ မကွေးတိုင်း
၈။ ရေစကြို မကွေးတိုင်း
၉။ မကွေး မကွေးတိုင်း
၁၀ ။ မြိုင် မကွေးတိုင်း
၁၁။ ပွင့်ဖြူ မကွေးတိုင်း
၁၂။ ကျောက်ပန်းတောင်း မန္တလေးတိုင်း
၁၃။ တံတားဦး မန္တလေးတိုင်း
၁၄။ ပြင်ဦးလွင် မန္တလေးတိုင်း
၁၅။ မဟာအောင်မြေ မန္တလေးတိုင်း
၁၆။ မထ္တီလာ မန္တလေးတိုင်း
၁၇။ ဒက္ခိဏသီရိ မန္တလေးတိုင်း (နေပြည်တော်)
၁၈။ ဥတ္တရသီရိ မန္တလေးတိုင်း (နေပြည်တော်)
၁၉။ တောင်ငူ ပဲခူးတိုင်း
၂၀။ ထန်းတပင် ပဲခူးတိုင်း
၂၁။ လက်ပံတန်း ပဲခူးတိုင်း
၂၂။ က၀ ပဲခူးတိုင်း
၂၃။ ကော့မှူး ရန်ကုန်တိုင်း
၂၄။ ဒဂုံဆိပ်ကမ်း ရန်ကုန်တိုင်း
၂၅။ လှည်းကူး ရန်ကုန်တိုင်း
၂၆။ မရမ်းကုန်း ရန်ကုန်တိုင်း
၂၇။ မင်္ဂလာတောင်ညွန့် ရန်ကုန်တိုင်း
၂၈။ စစ်ကိုင်း စစ်ကိုင်းတိုင်း
၂၉။ ပုလဲ စစ်ကိုင်းတိုင်း
၃၀။ မင်းကင်း စစ်ကိုင်းတိုင်း
၃၁။ ကန့်ဘလူ၊ ကျွန်းလှ၊ ရေဦး၊ တန့်ဆည် စစ်ကိုင်းတိုင်း
(အမျိုးသားလွှတ်တော်)
၃၂။ ကျွန်းစု တနင်္သာရီတိုင်း
၃၃။ လောင်းလုံ တနင်္သာရီတိုင်း
၃၄။ ပုသိမ် ဧရာဝတီတိုင်း
၃၅။ တောင်တွင်းကြီး မကွေးတိုင်း
၃၆။ နွားထိုးကြီး မန္တလေးတိုင်း
၃၇။ ပုဗ္ဗသီရိ မန္တလေးတိုင်း (နေပြည်တော်)
၃၈။ ဇဗ္ဗူသီရိ မန္တလေးတိုင်း (နေပြည်တော်)
၃၉။ မော်လမြိုင် မွန်ပြည်နယ်
၄၀။ သုံးခွ ရန်ကုန်တိုင်း
၄၁။ လားရှိုး ရှမ်းပြည်နယ်

NLD ကိုဂုဏ်ပြုကြပါစို့

မြိတ်ဘက်မှာ ဒီလိုတောင်းနေတာကြာပြီ

 

တနင်္သာရီကမ်ရှိးတန်းတလျှောက်လက်နက်ကိုင်ဓါးမြတိုက်ဆက်ကြေးလိုက်တောင်းနေတဲ့က်လှေငယ်များမှာ

 ရေတပ်နဲ့ ကြည်းတပ် က စက်လှေများ ဖြစ်နေကြောင်းသိရပါတယ်။

ပြီးခဲ့တဲ့ မတ်လ ၂၇ ရက်နေ့  ရေတပ် စစ်သင်္ဘော အမှတ်( ၄၀၅ ) က တရားဝင်ငါးဖမ်းစက်
လှေများကို လက်နက်ငယ်  ( G 3 ' G 4 ) များဖြင့်လိုက်လန်ပြစ်ခတ်ဖမ်းဆီးကာ  ငါးဖမ်း

အပြည့်အစုံဆက်ဖတ်ရန် »

ဒေါ်အောင်ဆန်းစုကြည်ကျန်းမာလာပြီ

 

မြိတ် ခရီးစဉ်တွင် ဒေသခံများကို နှုတ်ဆက်နေသော ဒေါ်အောင်ဆန်းစုကြည် (ဓာတ်ပုံ - Aung Koe / Facebook)

ဒေါ်အောင်ဆန်းစုကြည်၏ ကျန်းမာရေးကို ယခင်လထဲက အထွေထွေ စမ်းသပ်မှုများပြုလုပ်ခဲ့ရာတွင် လုံးဝ ကောင်းမွန်ကြောင်း တွေ့ရှိရပြီး မြိတ်ခရီးစဉ်၌ ရေယာဉ်အခက်ခဲကြောင့် မော်တော်ဘုတ်ငယ်များဖြင့် နေပူထဲတွင် အချိန်ကြာမြင့်စွာသွားလာခဲ့ရ၍ ပင်ပန်း မှုဒဏ်ခံရသကဲ့သို့ အလုပ်ဖိစီးမှုဒဏ်နှင့်

အပြည့်အစုံဆက်ဖတ်ရန် »

သစ်တောစိမ်း +လမ်းရေး

 

မန္တလေးတိုင်းဒေသကြီး ရွှေကြက်ယက် ဆိပ်ကမ်းတစ်နေရာ
လာမည့် ဘဏ္ဍာနှစ်အတွင်း သစ်တောထွက် ပစ္စည်းများဖြစ်သည့် ကျွန်းနှင့်သစ်မာကို ကုဗတန် နှစ်သန်းကျော် ထုတ်ယူသွားမည်ဖြစ်ကြောင်း ပတ်ဝန်းကျင် ထိန်းသိမ်းရေး နှင့် သစ်တောရေးရာဝန်ကြီးဌာနမှ သိရှိရသည်။

အပြည့်အစုံဆက်ဖတ်ရန် »

ဒီနှစ်သင်္ကြန်ရုံးပိတ်ရက်တွေများနေ

  

ယခုနှစ် ဧပြီလတစ်လလုံးတွင် ၁၃ ရက်သာ ရုံးဖွင့်လုပ်ကိုင်နိုင်သည့် သင်္ကြန်ကာလရှည် ရုံးပိတ်ရက်ကြောင့် နိုင်ငံစီးပွားရေး လုပ်ငန်းများအပေါ် ထိခိုက်မှုရှိနေသဖြင့် ပြန်လည်ပြင်ဆင် သတ်မှတ်သင့်ကြောင်း လုပ်ငန်းရှင်များနှင့် ပညာရှင်များ၏ ပြောကြားချက်အရ သိရှိရသည်။
သင်္ကြန်ကာလအတွက် ရုံးပိတ်ရက် ၁၀ ရက်နှင့်အတူ စနေ၊ တနင်္ဂနွေ ရုံးပိတ်ရက်ပါ ထပ်သွားသော ကြောင့် အစိုးရ၀န်ကြီး ဌာနများ၏ တရားဝင်ရုံးပိတ်ရက်မှာ ၁၃ ရက် ဖြစ်သွားကြောင်းနှင့် ယင်းအတွက် အစိုးရ၀န်ကြီး ဌာနများနှင့် ဆက်စပ် လုပ်ကိုင်ရသော စီးပွားရေးလုပ်ငန်းများအတွက်မူ ပုံမှန်အတိုင်း ပြုလုပ်နေ ကြ transition ကို ကမောက်ကမ ဖြစ်စေကြောင်း စီးပွားရေးလုပ်ငန်းရှင်များက သုံးသပ်ကြသည်။

အပြည့်အစုံဆက်ဖတ်ရန် »

နီးလေ လွဲလေ

 

လာမည့် ဧပြီလ ၁ရက်နေ့တွင် ကျင်းပရန်ရှိသော ကြားဖြတ် ရွေးကောက်ပွဲအတွက် မဲစာရင်းများ ထုတ်ပြန်ကြေညာပေးခဲ့ရာတွင် အမှန်တကယ် မဲပေးပိုင်ခွင့်ရှိသူများ ကျန်နေခဲ့ခြင်း၊ အချက်အလက်များ မှားယွင်း နေခြင်း၊ သေဆုံးပြီးသူများ ပါဝင်နေခြင်း စသည့် ကွဲလွဲချက်များ ဖြစ်ပေါ်ရခြင်းမှာ ရပ်/ကျေး ကော်မရှင်များကြောင့် ဖြစ်ကြောင်း မဲဆန္ဒရှင်များ၊ ရွေးကောက်ပွဲ ၀င်ရောက်ယှဉ်ပြိုင်ကြမည့် ကိုယ်စားလှယ်လောင်းများနှင့် ၎င်းတို့၏ အကြံပေးများက ပြောကြပါသည်။

အပြည့်အစုံဆက်ဖတ်ရန် »

အခွန်ကောက်မည်မကြာမှီ

ဘဏ္ဍာရေးနှင့် အခွန်ဝန်ကြီးဌာန ပြည်တွင်းအခွန်များဦးစီးဌာနမှ လစာခေါင်းစဉ်မှ ၀င်ငွေအပေါ် ၀င်ငွေခွန်ကို ဧပြီလမှ စတင်ပြီး ကောက်ခံတော့မည်ဖြစ်ကြောင်း ဦးစီးဌာနအတွင်း ညွှန်ကြားချက်ထုတ်ပြန်လိုက်သည်။

          ထိုညွှန်ကြားချက်တွင် အခွန်စည်းကြပ်ရန်အတွက် အသေးစိတ်တွက်ချက်နည်းများကို ဖော်ထားပါသည်။ ထိုသို့ တွက်ချက်ရာတွင် မူရင်းလစာအပြင် အပိုထောက်ပံ့ကြေး ကျပ် ၃၀၀၀၀အပါဝ်င လစာဝင်ငွေ စုစုပေါင်းပေါ်တွင် ၁ % မှ ၃% အထိ ၀င်ငွေအဆင့်အလိုက်တွက်ချက်ကောက်ခံသွားမည်ဖြစ်ကြောင်း သိရှိရသည်။

          ကာကွယ်ရေးဝန်ကြီးဌာန ပြန်တမ်းဝင်အရာရှိများအတွက် လစာမှ ၀င်ငွေခွန်တွက်ချက်ဖြတ်တောက်နုတ်ယူပေးသွင်းရန် ကိစ္စရပ်များကို ကာကွယ်ရေးဝန်ကြိးဌာန ငွေစာရင်းရုံးမှ တာဝန်ယူဆောင်ရွက်သွားရန်ဖြစ်ကြောင်း သိရှိရသည်။

အပြည့်အစုံဆက်ဖတ်ရန် »

မြန်မာ့လေကြောင်းလိုင်းလေယာဉ်ဘီးပေါက်

Add caption

မြန်မာနိုင်ငံအနှံအပြားသို့ ပြေးဆွဲနေသော မြန်မာ့လေကြောင်းလိုင်းမှ လေယာဉ်အမှတ် (XY-AGB-Forkker-F28) ဖလိုက်နံပါတ်(4401) သည် ၄-၃-၂၀၁၂ နေ့တွင် စစ်တွေခရီးသည်အား ၇း၃၀ အချိန်ကွင်းချိန်းသော လေယာဉ်သည် (၁၀) နာရီ အချိန်ခန့်တွင် ခရီးသည်များကို လေယာဉ်ပေါ်သို့ တင်ဆောင်ပြီး ရန်ကုန်သို့ ပြန်လည်ထွက်ခွာရန် စတင်ချိန်၌ လေယာဉ်၏ နောက်ဘက်  ဘယ်တောင်ပံအောက်(ယာ)ဘီးမှာ ပေါက်နေကြောင်းသိရှိရ၍ ခရီးသည်များအား လေယာဉ်ပေါ်မှ ဆင်းခိုင်းပြီး နားနေဆောင်သို့ ပြန်လည်နေထိုင်ခွင့်ပြုခဲ့ရသည်။
ထို့နောက် နံနက်(၁၂း၅၀) ခန့်တွင် မြန်မာ့လေကြောင်းလိုင်းမှ ရန်ကုန်မှ ကျောက်ဖြူသို့ ပြေးဆွဲသော လေယာဉ် (AGF-MA-60)သည် ကျောက်ဖြူလေဆိပ်သို့ မဆင်းခဲ့ဘဲ စစ်တွေ လေဆိပ်သို့ ရောက်ရှိလာပြီး ၎င်းလေယာဉ်ပေါ်တွင် လဲလှယ်ရန်ပါရှိလာသော စပါယ်ယာဘီးနှင့်အတူ အင်ဂျင်နီယာ (၃)ဦးကို စစ်တွေလေဆိပ်သို့ လာရောက်ပို့ဆောင်ပေးခဲ့သည်။
၎င်းနောက် စစ်တွေရန်ကုန်ပြေးဆွဲမည့်လေယာဉ်အမှတ် (XY-AGB-Forkker-F28) လေယာဉ်အား ပြန်လည်ဘီးတပ်ဆင်ကာ စစ်တွေလေဆိပ်မှ နေ့လည် (၁း၀၀)နာရီအချိန်ခန့်တွင် ရန်ကုန်သို့ ထွက်ခွာသွားကြောင်းသိရသည်။

  

ခိုင်မြတ်စံ(PNG)  Hot News

ဒေါ်စုပုသိမ်ခရီးစဉ်

    

ဒေါ်အောင်ဆန်းစုကြည်သည် ပုသိမ်မြို့တွင်းသို့ နေ့လည် ၁၁ နာရီခန့်တွင် ရောက်ရှိလာခဲ့ပြီး ကိုးသိန်းဘောလုံးကွင်းအတွင်း စောင့်ဆိုင်းနေကြသည့် သောင်းနှင့်ချီသော လူထုကြီးအား မိန့်ခွန်းပြောကြားခဲ့သည်။ (ဓာတ်ပုံ- ဥက္ကာကိုကို)

"ကျွန်မလည်း ဧရာဝတီတိုင်းသူလို့ ခေါ်လို့ရပါတယ်။ ပုသိမ် ပြည်သူပြည်သားတွေကို အင်မတန် ကျေးဇူးတင်ပါတယ်။ ပုသိမ်ကို ပြန်မရောက်တာ နှစ် ၂၀ရှိပါပြီ။ အရင်တစ်ခေါက်တုန်းကတော့ စက်ဘီးတွေနဲ့ ကြိုကြတယ်။ အခုကျတော့ ဆိုက်ကယ်တွေနဲ့ ကြိုကြတယ်။ ပုသိမ်ကိုလာတာဟာ ပါတီကို ပြန်လည်မှတ်ပုံတင်ပြီး ကြားဖြတ် ရွေးကောက်ပွဲ ၀င်ပြိုင်ဖို့ အတွက် စည်းရုံးဖို့ လာတာပါ။ ကျွန်မတို့ရဲ့ ကိုယ်စားလှယ်လောင်းတွေကို ထောက်ခံ အားပေး မဲပေးကြဖို့ ပြောချင်ပါတယ်။ ပြည်သူတွေကို အင်မတန် ကျေးဇူးတင်ပါတယ်။ နိုင်ငံတစ်နိုင်ငံ တည်ထောင်ဖို့ဆိုရင် ပြည်သူတွေ ပါဝင်မှ ဖြစ်မှာပါ။ အထူးသဖြင့် လူငယ်တွေင်္ ပါဝင်စေချင်ပါတယ်။ ကျွန်မတို့ လွှတ်တော် ကိုယ်စားလှယ်တွေ လွှတ်တော်ထဲ ရောက်သွားတဲ့အခါ ပြည်သူတွေရဲ့ ဆန္ဒကို တတ်နိုင်သမျှ ဖြည့်ဆည်းပေးပါမယ်။ လူငယ်တွေ အနေနဲ့ အဆင့်မြင့်တဲ့ ပညာရေးကို သင်ယူစေချင်ပါတယ်။ ကျန်းမာရေးလည်း ဂရုစိုက်ဖို့ ပြောချင်ပါ တယ်။ ကျွန်မတို့ ကြားဖြတ်ရွေးကောက်ပွဲ ၀င်ပြိုင်တာဟာ အချက်သုံးချက်ရှိပါတယ်။ တရားဥပဒေ စိုးမိုးရေး ပြည်တွင်းငြိမ်းရေးနဲ့ ဖွဲ့စည်းပုံအခြေခံဥပဒေ ပြင်ဆင်ရေး စတာတွေပါ။
ကျွန်မတို့နိုင်ငံမှာ ရွေးကောက်ပွဲဆိုတာ ခဏ ခဏ လုပ်နေတာ မဟုတ်ပါဘူး ဒါအတွက် ပြည်သူတွေ အားလုံးကူညီပေးပါ"ဟု ဒေါ်အောင်ဆန်းစုကြည်က ပုသိမ်မြို့ ကိုးသိန်းဘောလုံးတွင်းအတွင်း ၁၈မိနစ်ကြာ ပြောဆိုခဲ့သော ပြောကြားချက်၌ ထည့်သွင်းပြောဆိုခဲ့ပါသည်။

ဒေါ်အောင်ဆန်းစုကြည် လူထုသို့ ဟောပြောလျက်ရှိ၊ ကြားဖြတ်ရွေးကောက်ပွဲ မှန်မှန်ကန်ကန် မျှမျှတတဖြစ်ရန် ပြည်သူအားလုံး ကူညီပါဟု ပြောကြားခဲ့သည်။ နောက်ဆုံးရရှိတဲ့ သတင်းအရတော့ ဒေါ်အောင်ဆန်းစုကြည် လူထုသို့ ဟောပြောမှု ပြီးဆုံးပြီလို့ သိရပါသည်။ ဒေါ်အောင်ဆန်းစုကြည် ကိုးသိန်းဘောလုံးကွင်းအတွင်း လူထုဟောပြောပွဲအပြီး ပုသိမ်ဟိုတယ်တွင် နေ့လည်စာစားသောက်ရန် ရောက်ရှိနေပြီဖြစ်သည်။ နေ့လည်စာစားပြီးပါက မြောင်းမြသို့ ဆက်လက်ထွက်ခွာမည်ဟု သိရသည်။

မီးငြိမ်းသွားပြီလား၊ မိုးလင်းပြီလား

တာမွေမြို့နယ် မီးသတ်တပ်ဖွဲ့ဝင် ဒုတပ်ကြပ် သီဟမျိုးမှာ ပေါက်ကွဲမှုကြောင့် ဒဏ်ရာအပြင်းအထန် ရရှိခဲ့၍ ရန်ကုန်ဆေးရုံကြီး ဦးနှောက်နှင့် အာရုံကြောဌာနတွင် ခွဲစိတ်ကုသမှုခံယူပြီးနောက် သတိလစ်မေ့မျောနေဆဲဖြစ်ကြောင်း သတင်းရရှိသည်။

ဆေးရုံသို့ကိုယ်တိုင်သွားရောက် ကူညီလှူဒါန်းခဲ့သူများက ဒုတပ်ကြပ် သီဟမျိုးမှာ ၁၀ နာရီကျော်ကြာ သတိလစ်မေ့မျောနေရာမှ ယနေ့ညနေ ၃ နာရီ ၂၀ မိနစ်ဝန်းကျင်တွင် ယောင်ရမ်း၍ စကားတစ်ခွန်းပြောသည်ကို တွေ့ရကြောင်း ပြန်လည်ပြောပြသည်။

"မီးငြိမ်းသွားပြီလား၊ မိုးလင်းပြီလား" ဟု အရေးပေါ်ခွဲစိတ်မှုပြုလုပ်ပြီးနောက် ခန္ဓာကိုယ်တစ်ခုလုံး တဆတ်ဆတ် ပြင်းထန်စွာ တုန်ယင်နေ၍ မိသားစုဝင်များက ဖိထားသည့်ကြားမှ ဒုတပ်ကြပ် သီဟမျိုးက ယောင်ရမ်းပြောဆိုခဲ့ခြင်းဖြစ်သည်။

ကိုယ်တိုင်သတိလစ်နေမေ့မျောနေသော်လည်း မီးလောင်မှုအတွက် ရတက်မအေးနိုင်ဘဲ ၁၀ နာရီကျော်အတွင်း ၎င်း၏ပြောစကားကြောင့် များစွာ စိတ်မကောင်းဝမ်းနည်းရကြောင်း ကိုယ်တိုင် သွားရောက်ကြည့်ရှုလှူဒါန်းသော အလှူရှင်တစ်ဦးကပြောသည်။

အစောပိုင်းဖော်ပြခဲ့သည့် သတင်းများတွင် ဒုတပ်ကြပ် သီဟမျိုး ကွယ်လွန်ပြီဟု ဖော်ပြခြင်းကိုလည်း ကွယ်လွန်ခြင်းမဟုတ်ကြောင်း ပြင်ဆင်သိမှတ်ပေးစေလိုပါသည်။

 7Day News Journal

အမျိုးသမီးတစ်ဦးမီးဖွားပြီး သေဆုံးခဲ့မှုအပေါ် ရွှေဂုံတိုင်ဆေးရုံနှင့်လူနာရှင်များ အငြင်းပွါး

သေဆုံးသူရဲ့ ဓါတ်ပုံမဟုတ်ပါ Google Images မှ ခွဲစိတ်ခန်းနမူနာဓါတ်ပုံကို ဖော်ပြခြင်းသာဖြစ်သည်။

ရန်ကုန်တိုင်းဒေသကြီး ဗဟန်းမြို့နယ် ရွှေဂုံတိုင်ရှိ အထူးကုဆေးရုံကြီးတွင် အသက် ၂၃ နှစ်အရွယ် အမျိုးသမီးငယ် တစ်ဦးမီးဖွား ပြီးနောက် ဒီဇင်ဘာလ ၁၂ ရက်နေ့က သေဆုံးခဲ့ရမှုဖြစ်ပွားခဲ့ရာ ဆေးရုံကြီးမှ တာဝန်ကျ သားဖွားနှင့် မီးယပ်အထူးကု ဆရာဝန်များ၏ တာဝန် ပေါ့လျော့မှုကြောင့်ဖြစ်သည်ဟု ကျန်ရစ်သည့် မိသားစုများက စွပ်စွဲခဲ့သလို ဆေးရုံဘက်မှ တာဝန်ရှိသူများကလည်း ပြန်လည် ရှင်းလင်းခဲ့သည်။
ရန်ကုန်တိုင်းဒေသကြီး၊ ပုဇွန်တောင် မြို့နယ်၊ ကွက်သစ်ဖြတ်လမ်းတွင် နေထိုင်သည့် အသက် ၂၃ နှစ်အရွယ် မခင်ခင်ဌေးသည် ခုနစ်လရှိပြီဖြစ်သည့် ကိုယ်ဝန်ကို အဆိုပါဆေးခန်းကြီးတွင် ပုံမှန်ထိုင်သည့် သားဖွားနှင့် မီးယပ် အထူးကုဆရာဝန်ကြီး ဒေါက်တာတင် မောင်အေးထံတွင် အပ်နှံထားခဲ့သည်ဟု မိသားစုဝင်များက ပြောသည်။
အဆိုပါ ဆရာဝန်ကြီး မရှိသည့်အခါ တွင် ၎င်း၏ လက်ထောက် ဆရာဝန် ဒေါက်တာနိုင်ဝင်းဆိုသူနှင့် ဆက်လက် ပြသခဲ့သည်ဟု သိရသည်။
ဒီဇင်ဘာလ ၉ ရက်နေ့မှစတင်ခါ ၀မ်းတွင်းမှ ကလေး၏ ပုံမှန်မဟုတ်သော အနေအထားကြောင့် မခင်ခင်ဌေးအား ဓာတ်မှန်ရိုက်ကြည့် ခဲ့ရာတွင် ၀မ်းတွင်းရှိ ခုနစ်လသားအရွယ် မိန်းကလေးငယ်မှာ လှုပ်ရှားခြင်းမရှိတော့သောကြောင့် ဒီဇင်ဘာလ ၁၀ ရက်နေ့တွင် ဆေးရုံ တက်ရန် ဒေါက်တာနိုင်ဝင်းမှ ညွှန်ကြားခဲ့ပြီး အဆိုပါနေ့တွင်ပင် ၀မ်းတွင်းမှ ကလေး သေဆုံးပြီဖြစ်ကြောင်း ဆရာဝန်က အတည်ပြု ပြောကြားခဲ့သည်ဟု ဆိုသည်။
"ကလေးသေနေပြီလို့ ဆရာဝန်က ပြောကြားတဲ့အတွက် အဲဒီနေ့မှာပဲ ခွဲစိတ်ပေးဖို့ မိသားစုဝင်တွေက တာဝန်ကျ ဆရာဝန်တွေ ကိုကော ဒေါက်တာ နိုင်ဝင်းကိုပါ အကြိမ်ကြိမ် ပြောကြားခဲ့ပါတယ်။ ဒါပေမယ့် စနေနေ့ (ဒီဇင် ဘာလ ၁၀ ရက်နေ့) ညနေမှာ ဒေါက်တာနိုင်ဝင်း လာကြည့်ပြီး ခွဲဖို့ မလိုဘဲ ဆေးသွင်းပြီး ရိုးရိုး မွေးမယ်လို့ ပြောပါတယ်" ဟု မခင်ခင်ဌေး၏ အစ်ကိုရင်းဖြစ်သူ ကိုမြင့်အောင်က ပြောသည်။
ရိုးရိုးမွေးဖွားနိုင်ရန် ဆေးများသွင်းထားခဲ့ရာ နောက်တစ်နေ့ ဒီဇင်ဘာလ ၁၁ ရက်နေ့ ညပိုင်းအထိ ဆေးရုံမှ မည်သို့မျှ ခွဲစိတ် ကုသမှုများ မပြုလုပ်ပေးခဲ့ဘဲ ည ၁၁ နာရီ ၄၅ မိနစ်ခန့်အချိန်တွင် သားအိမ်ပွင့်ကာ ကလေးထွက်လာသည်နှင့် တစ်ပြိုင်နက် မိခင်ပါ တစ်ခါတည်း အသက်မရှူတော့ကြောင်း မခင်ခင်ဌေး၏ မိခင်ဒေါ်သီတာဝင်းက ပြောသည်။
"သမီးက အသက်မရှူတော့ဘူး။ ကလေးလည်းထွက်လာရော သူလည်း နှစ်ချက်လောက် ရှိုက်ပြီး ငြိမ်သွားတယ်။ နောက် ည ၁ နာရီကျော်မှ မေ့ဆေးဆရာ ၀န်တွေကော ဒေါက်တာ နိုင်ဝင်းပါ ရောက်လာတယ်။ သူတို့က မျိုးစုံစစ်ဆေးကြတယ်။ ဒါပေမယ့် အသက်မရှိတော့ဘူး"ဟု ၎င်းက ပြောသည်။
ဆေးရုံမှ မန်နေးဂျင်း ဒါရိုက်တာ ဒေါက်တာဒေါ်ဌေးဌေးကြည်ကလည်း ဒီဇင်ဘာလ ၉ ရက်နေ့တွင် ၀မ်းတွင်းမှ ကလေး သေဆုံး ကြောင်း ဓာတ်မှန်ရိုက် ယူ၍ သိရှိပြီးနောက် ဒီဇင်ဘာ ၁၀ ရက် နေ့တွင် ရွှေဂုံတိုင် ဆေးရုံတွင် တက်ရောက်ခဲ့ပြီး ဒီဇင်ဘာလ ၁၂ ရက်နေ့ မနက်အစောပိုင်းတွင်သေဆုံးခဲ့သည်ဟု မြန်မာတိုင်း(မ်)ကိုပြောသည်။
သားဖွားနှင့် မီးယပ်အထူးကု ဆရာ ၀န် ဒေါက်တာနိုင်ဝင်းကလည်း ယခုကဲ့ သို့သေဆုံးမှုမှာ မခွဲစိတ်ခြင်းကြောင့် သေဆုံးရခြင်းမဟုတ် ဟုပြောသည်။
သန္ဓေသားမှာ ရက်သတ္တပတ် ၂၄ ပတ်သာရှိပြီး မိခင်မှာလည်း အသက် ၂၃ နှစ်သာရှိသေးသည့်အတွက် နောက်ထပ် ကလေး မွေးဖွားရ လွယ်ကူစေရန် သားအိမ်ပွင့်ဆေးကို အသုံးပြု၍ ရိုးရိုး မွေးဖွားရန် ဆုံးဖြတ်ခဲ့ခြင်းဖြစ်သည်ဟု ဒေါက်တာနိုင်ဝင်းက ပြောသည်။
"ပုံမှန်ဆိုရင် အပတ် ၄၀ ရှိမှ နေ့စေ့ လစေ့ဖြစ်တယ်။ အခု ကလေးက ၂၄ ပတ်ပဲရှိပြီး တစ်ပေါင် သာသာပဲရှိတယ် ဆိုတော့ ခွဲပြီး ထုတ်ရမယ့် ထုံးစံမရှိဘူး။ အမေကလည်း သားဦးဆိုတော့ အရင် ခွဲကြောင်းတွေလည်း မရှိတဲ့အတွက် ဒီလိုခွဲမွေးလိုက်ရင် နောက်တစ် ယောက်ကိုလည်း ခွဲမွေးရဖို့ များသွားပြီ။ ဒီလို လူနာမျိုးကို ၁၀၀ မှာ ၉၉ ယောက်ကို ရိုးရိုးပဲမွေးပါတယ်"ဟု ၎င်းက ပြောသည်။
ထို့ကြောင့် သားအိမ်ပွင့်ဆေးကို ထည့်သွင်းခဲ့ပြီး မွေးဖွားရန်စောင့်ဆိုင်း ခဲ့သည်ဟု၎င်းက ပြောသည်။ လူနာမှာ နာကျင်သောကြောင့် လူနာရှင်ဘက် မှ ခွဲစိတ်မွေးရန်တောင်းဆိုခဲ့သည့် အတွက် နားလည်စေရန် အခြေအနေ ကို ရှင်းလင်းပြခဲ့သည်ဟု ၎င်းက ပြောသည်။
"အိုဂျီတစ်ယောက် အနေနဲ့ ကြည့်ရင် ဒီကေ့စ်မျိုးကခွဲစိတ်ရမယ့်အထဲမှာ မပါ ပါဘူး။ မခွဲစိတ်ခဲ့တဲ့အတွက် သေဆုံးရတာ မဟုတ်ပါဘူး" ဟု ဒေါက်တာနိုင် ၀င်းက ပြောသည်။
သေဆုံးရသည့် အကြောင်းရင်းမှာ လူနာမှာ ကလေးမွေးဖွားရန် သားအိမ်ဝ ပွင့်ချိန်တွင် ရေမြွှာရေ သွေးကြောတွင်း ရောက်ရှိပြီး ထိုမှတစ်ဆင့် အဆုတ်နှင့် နှလုံးသို့ ရောက်ရှိသွားခဲ့ပြီး သွေးသွားသည့် လမ်းကြောင်းတွင် ရေများဝင်လာသည့်အတွက် သွေးကြော များမှာ ရပ်တန့်၍ ပိတ်သွားခြင်းကြောင့် ဖြစ်နိုင်ကြောင်း ၎င်းကပြောသည်။
"ရောဂါကြီးကြီးမားမားလည်း မရှိ၊ ထုံဆေးထိုးတာ၊ ညှပ်ဆွဲတာတွေလည်း မရှိတဲ့အတွက် ဒါကြောင့် သေဆုံးရတာလို့ပဲ ယူဆလို့ရ ပါတယ်"ဟု ၎င်းက ပြောသည်။
"ဒီလို ကိစ္စမျိုးက ဖြစ်တောင့် ဖြစ်ခဲပါ။ မွေးလူနာတစ်သိန်းမှာ တစ်ယောက် လောက်ပဲဖြစ်နိုင်ပါတယ်။ ဒါပေမယ့် ပေါ့လျော့မှု ကြောင့်ဖြစ်တာ မဟုတ်ပါဘူး။ မခွဲစိတ်လို့ သေရတာလည်း မဟုတ်ပါဘူး"ဟု ၎င်းက ပြောသည်။
မိခင်ဝမ်းအတွင်း ကလေးသေဆုံး ရမှုမှာလည်း မိခင်တွင် ထိခိုက်ဒဏ်ရာ ရခြင်း၊ သွေးဆင်းခြင်း၊ သွေးသွန်ခြင်း မရှိသည့်အတွက် ကလေး၏မွေးရာပါ ချို့ယွင်းချက်ကြောင့် ဖြစ်နိုင်ကြောင်း ဒေါက်တာနိုင်ဝင်းကပြောသည်။ ဆေးရုံက သေဆုံးသည့်အကြောင်းကို သေချာစွာသိရန် ရန်ကုန်ဆေးရုံ ကြီးသို့ ပို့ဆောင်မည် ပြောသော်လည်း ဓလေ့ထုံးစံအရ ရင်ခွဲစစ်ဆေးသည်ကို မလိုလားဘဲ မိသားစုက အလောင်းကို သာ ပြန်လည်ရယူလိုသောကြောင့် ပြန်လည်သယ်ယူကြောင်း၊ ဆေးရုံက လက်မှတ်ရေးထိုးပေးခဲ့ကြောင်း ဦးမြင့်အောင်က ပြောသည်။
"ကျွန်တော်တို့ တရားလည်းမစွဲပါ ဘူး။ ဆေးရုံကို ကုန်ကျစရိတ်တွေ တွက် ပေးဖို့ ပြောတဲ့အခါ လုံးဝမယူတော့ပါဘူး။ ပေးစရာ မလိုဘူးလို့ ပြောတယ်။အိမ်ပြန်ရောက်တော့ ရပ်ကွက်က ဆရာ ၀န်တစ်ဦးဆီက သေဆုံးကြောင်း လက် မှတ်ယူပြီး နောက်တစ်နေ့မှာ ရေဝေး မှာချခဲ့ပါတယ်"ဟု ၎င်းက ပြောကြားသည်။
ဆေးကုသစရိတ်များ တောင်းခံခြင်း မရှိသောကြောင့် မခင်ခင်ဌေး အဆိုပါ ဆေးရုံတွင် တက်ရောက်ကုသခဲ့သည့် ဆေးရုံမှတ်တမ်း များလည်း မရရှိခဲ့ကြောင်း သူကဆက်ပြောသည်။
ထိုသို့ သေဆုံးရမှုအပေါ် စိတ်မ ကောင်းသဖြင့် ဆေးရုံဘက်မှ ကျသင့် ငွေကို တောင်းခံခြင်းမပြုခဲ့ခြင်းဖြစ်ကြောင်း ဒေါက်တာ ဒေါ်ဌေးဌေးကြည် က ပြောသည်။
အသက် ၂၃ နှစ်အရွယ်ရှိ မခင်ခင်ဌေးသည် အိန္ဒိယနိုင်ငံ ချန်နိုင်းမြို့တွင် စီးပွားရေးဆိုင်ရာ အထူးပြုဘွဲ့များ ရယူခဲ့ကာ မကြာ သေးမီးကပင် ရန်ကုန်တွင် ကိုယ်ပိုင်စီးပွားရေးလုပ်ငန်းတစ်ခု စတင်လုပ်ကိုင်ရန် အစပျိုးခဲ့သည်။
ယမုံဖူးသစ်နှင့် ကျော်ဆုမွန်  (မြန်မာ့တိုင်းမ်)

စက်ဆန်းမီးကြောင့် အိမ်ထောင်စု ၁၀၈၀ စု၊ ဆုံးရှုံးမှု တန်ဖိုး သိန်း ၁၁၃၆၊ ပျက်စီးအိမ် ၁၂၄ လုံးရှိကြောင်းသိရ

အက်ဆစ်ကန် အနီး မီးငြှိမ်းသတ်နေသည့် မီးသတ်ဝန်ထမ်းများ

မီးလောင်မှုအပြီး စုံစမ်းစစ်ဆေးမှုများအရ မီးလောင်မှုဖြစ်ပွားရခြင်းမှာ သိုလှောင်ပစ္စည်းများ အပူလွန်ကဲခြင်းကြောင့် ဖြစ်ကြောင်း အထူးစုံစမ်းစစ်ဆေးရေးအဖွဲ့မှ တာဝန်ရှိသူတစ်ဦးကပြောသည်။

“လုံခြုံရေး မီးတစ်လုံးပဲရှိတဲ့နေရာက ၀ါယာရှောခ်မဖြစ်နိုင်ပါဘူး။ ၀ါယာရှော့ခ်ဆိုရင် ဖြူးပြတ်ရမယ်။ ကျွန်တော်တို့စစ်ဆေးတွေ့ရှိမှုအရ ၀ါယာရှော့ခ်လုံးဝ မဟုတ်ပါဘူး”ဟုမင်္ဂလာတောင်ညွန့် လျှပ်စစ် (၂)မှ လက်ထောက်အင်ဂျင်နီယာ ဦးတင်ထွန်းက သုံးသပ်သည်။

နောက်ဆုံးရရှိသော သတင်းအရ အိမ်ထောင်စု ၁၀၈၀ စု၊ ဆုံးရှုံးမှု တန်ဖိုး သိန်း ၁၁၃၆၊ ပျက်စီးအိမ် ၁၂၄ လုံးရှိကြောင်းသိရသည်။

နေအိမ်များ ပျက်စီးဆုံးရှုံးရခြင်းမှာ မီးလောင်မှုကြောင့် မဟုတ်ဘဲ ပေါက်ကွဲမှုကြောင့်ပျက်စီးဆုံးရှုံးခြင်းဖြစ်ကြောင်းသိရသည်။

ရန်ကုန်တစ်မြို့လုံးတုန်ဟီး

အောင် ပေါက်ကွဲခဲ့သည့် အက်ဆစ်ကန်နေရာကို တွေ့ရစဉ်။
ပေါက်ကွဲမှူကြောင့် မြေတွင်းကြီးမှာ ၁၀ ပေခန့်အနက်ရှိသည်။ထိုကျင်းအနီးတစ်ဝိုက်ရှိ
(ပေ ၅၀၀ခန့်အတွင်းရှိ) အဆောက်အအုံအားလုံး နီးပါးမှာလည်း မုန်တိုင်းတိုက်ခတ်ခံရသည့်အလား ပြိုကျပျက်စီးနေသည်ကိုတွေ့ရသည်။

ကယ်ဆယ်ရေးစခန်းဖွင့်လှစ်ထား

သည့် မဟာဝိဇယာရာမ ဘုန်းကြီးကျောင်း မှ ကလေးငယ်တစ်ဦး။

ရွှေည၀ါ ဆရာတော် တရားပွဲများ ကျင်းပရန် ထိုင်းနိုင်ငံ သို့ ရောက်ရှိနေ

ရန်ကုန်မြို့ ကြည့်မြင်တိုင်သာဓုကျောင်းတိုက်တွင် သီတင်းသုံး နေထိုင်သော ရွှေည၀ါဆရာတော် ဦးပညာသီဟ သည်  ထိုင်းနိုင်ငံ ဘန်ကောက်မြို့ မဟာချိုင်နှင့် ကန်ချနဘူရီ အရပ်ရှိ မြန်မာလူမျိုး ရွေ့ ပြောင်းအလုပ်လုပ်ကိုင်သူများ အတွက် တရားဒေဿနာများ ဟောကြားပေးရန်  ထိုင်းနိုင်ငံဘန်ကောက်မြို့ သို့ ဒီဇင်ဘာလ ၂၇ နေ့ လည် ပိုင်းက လေကြောင်းဖြင့် ရောက်ရှိခဲ့ပါတယ်။ ထိုင်းနိုင်ငံတောင်ပိုင်းတွင် အလုပ်လုပ်ကိုင်နေသော တပည့်ဒါယိကာ၊ဒါယိကာမ များ၏ ပင့်ဖိတ်ချက်အရ သြ၀ါဒ မြွက်ကြားပေးရန် နှင့် တရားပွဲများကျင်းပ ဟောပြောပေးရန် ရောက်လာခဲ့တာပါ။

ကန်ချနီဘူရီ အရပ်ရှိ မြန်မာလူမျိုးအများစု အလုပ်လုပ်ကိုင်ရာ နာနတ်သီးစက်ရုံမှာ ဒီဇင်ဘာလ ၂၈ ရက်နေ့ နဲ့ ၂၉ ရက် နေ့ ညတို့ မှာ တရားဟောပြောဖို့ စီစဉ်ထားပြီး၊မဟာချိုင် အရပ်ရှိ ၀ပ်ဟုတ် တွင် တွင် ဒီဇင်ဘာလ ၃၀ ရက်နေ့ ညမှာ ဟောပြောမှာပါ။ ဒီဇင်ဘာ ၃၁ ရက်နေ့ မှာလည်း ၀ပ်စီမိန် နဲ့ ဝပ်ကန်ဖ တို့ မှာ သြ၀ါဒမြွက်ကြားပွဲနှင့် တရားပွဲ လေးပွဲ ခန့် ကို သီးခြားနေရာတွေမှာလုပ်ဖို့ စီစဉ်ထားတယ်လို့ သိရပါတယ်။ မဟာချိုင်ရှိ ၀ပ်ကြပ် တွင် ဇန်န၀ါရီလ ၁ ရက်နေ့ ညမှာ ဟောပြောမှာ ဖြစ်ပြီး ဇန်န၀ါရီလ ၂ ရက်နေ့ မှာတော့ ထိုင်းနိုင်ငံတောင်ပိုင်းရှိရွေ့ပြောင်းအလုပ်သမားများအခွင့်အရေးဆောင်ရွက်နေတဲ့ကွန်ယက်က ဆရာတော်ဆီက သြ၀ါဒ ခံယူပွဲ နဲ့ တရားပွဲ ကို ပြုလုပ်မှာ ဖြစ်ပါတယ်။

ရန်ကုန်မြို့ ရှိ ဆရာတော်ရဲ့ သာဓုကျောင်းတိုက်ဝန်းအတွင်းမှာ နိုင်ငံရေး၊လှုမှုရေးနဲ့ ပက်သက်သော အခမ်းအနားများ ကို ပြီးခဲ့တဲ့ လများအတွင်းက ပြုလုပ်ခဲ့ပြီး ဆရာတော်ရဲ့နိုင်ငံရေးလှုမှုရေးနယ်ပယ်ရှိ ပုဂ္ဂိုလ် များနှင့် ထိစပ်မှုတို့ ကြောင့် နိုင်ငံတော် သံဃ မဟာနာယကအဖွဲ့(မဟန)၏ ဖိအားပေးမှုကို ခံနေရပေမယ့် ဆရာတော်က ငြိမ်းချမ်းသော နည်းလမ်းများဖြင့် တတ်နိုင်သမျှ ဖြေရှင်းသွားမယ်လို့ ပြောပါတယ်။

ဘားမားဗီဂျေ

ခုံးကျော်တံတား ဖြတ်သန်းခကောက်ခံမည်ဆိုသည်မှာ လုံးဝမဟုတ်မှန်ကြောင်း ၀န်ကြီး ဦးစိုးသိန်း ပြောကြား

ရန်ကုန်တွင် ခုံးကျော်တံတားကြီးလေးစင်းကို အဆင့်နှစ်ဆင့်ခွဲခြား၍ လေးလအတွင်း အပြီးဆောင်ရွက်သွားမည်ဖြစ်ပြီး ယင်းခုံးကျော်တံတား ကြီးများတွင် ဖြတ်သန်းခကောက်ခံမည်ဆိုသည်မှာ လုံးဝမဟုတ်မှန်ကြောင်း မြန်မာ့ရင်းနှီးမြှုပ်နှံမှုကော်မရှင်ဥက္ကဋ္ဌ၊ စက်မှုဝန်ကြီးဌာန ပြည်ထောင်စုဝန်ကြီး ဦးစိုးသိန်းက ပြောသည်။
"ရန်ကုန်ကို ဖွံ့ဖြိုးတိုးတက်အောင် လုပ်ဖို့ နိုင်ငံတော်သမ္မတကြီးက လမ်း ညွှန်လို့လုပ်တာပါ။ ရန်ကုန်မှာ အခု လူဦးရေခြောက်သန်းကျော်ရှိပါတယ်။ မကြာမီမှာ ၁၀သန်းအထိတိုးလာနိုင် ပါတယ်။ ဒီလိုပဲ ကားတွေကလဲတိုးလာ နေပါတယ်။ ဒါကြောင့် ယာဉ်ကြောကျပ် တဲ့နေရာတွေကို အရင်ဆုံး ယာဉ်ကြော ရှင်းသွားအောင်လုပ်မှာပါ။ ဒါကလဲYangon City Development Plan အရ အရင်ဆုံးဆောင်ရွက်တာဖြစ်ပါ တယ်။ ခုံးကျော်တံတားတွေမှာ ဖြတ် သန်းခကောက်ခံမယ်ဆိုတဲ့သတင်းတွေ ကတော့ မမှန်ကန်ပါဘူး။ ဘယ်နိုင်ငံ မှာမှလဲ ဒါမျိုးမရှိပါဘူး။ မမှန်ကန်တဲ့ သတင်းတွေပါ"ဟု ပြည်ထောင်စုဝန်ကြီး ဦးစိုးသိန်းက ပြောသည်။
ခုံးကျော်တံတားတည်ဆောက် မည့်နေရာများမှာ လှည်းတန်း၊ တာမွေ၊ ရွှေဂုံတိုင်နှင့် ဘုရင့်နောင်လမ်းဆုံတို့ ဖြစ်ပြီး လှည်းတန်းလမ်းဆုံကို ကမ္ဘောဇ ဘဏ်ချေးငွေဖြင့်လည်းကောင်း၊ တာမွေ လမ်းဆုံကို   မြန်မာ့စက်မှုလက်မှုဖွံ့ဖြိုး ရေးဘဏ်ချေးငွေဖြင့်လည်းကောင်း တည်ဆောက်သွားမည်ဖြစ်ကာ ရွှေဂုံတိုင်နှင့် ဘုရင့်နောင်လမ်းဆုံများကို ရွှေတောင်ကုမ္ပဏီက တည်ဆောက် သွားမည်ဟု သိရသည်။
"လာလောဆယ် ပထမအဆင့် မှာ လှည်းတန်းကို ရန်ကုန်-ပြည်လမ်း က ကားအသွားများတဲ့အတွက် ခုံးကျော် တံတားဆောက်ပါမယ်။ ဒုတိယအဆင့် မှာက တက္ကသိုလ်ရိပ်သာလမ်းနဲ့ လှည်းတန်းကို မြေအောက်လမ်းဖောက်ပေး ပါမယ်။ဒီလမ်းတွေက Free Ways တွ ဖြစ်လာပါမယ်။ စင်ကာပူက လမ်းတံတား ကျွမ်းကျင်ပညာရှင်တွေနဲ့လုပ်နေပါတယ်။ လတ်တလောမြေစမ်းသပ်နေပြီ။ အသေးစိတ်ပုံစံတွေကို ဆက်လုပ်နေပါ တယ်။ တာမွေမှာ ဗညားဒလနဲ့အရှေ့ ကျိုက္ကဆံလမ်းက အများဆုံးဖြစ်တဲ့အ တွက် ခုံးကျော်တံတားထိုးမှာဖြစ်ပါ တယ်။ မြေအောက်လမ်းကတော့ ရေ ၀ပ်တဲ့အတွက် အခြေအနေမပေးပါဘူး" ဟု အဆိုပါခုံးကျော်တံတားနှစ်စင်း ဆောက်လုပ်နိုင်ရန် ဆောင်ရွက်နေ သော ဦးခင်မောင်ဦးက ပြောသည်။
"လးလအတွင်း ခုံးကျော်တံတား တွေပြီးပါမယ်။ ပြီးရင် လှည်းတန်းက တက္ကသိုလ်ရိပ်သာလမ်းနဲ့ လှည်းတန်း လမ်းကို မြေအောက်လမ်းဖောက်သွား မှာပါ။ အိမ်၊ မြေတွေ မထိခိုက်အောင် လုပ်မှာဖြစ်သလို ဘာငွေမှကောက် စရာမရှိပါဘူး။ ရွှေဂုံတိုင်နဲ့ဘုရင့်နောင် လမ်းဆုံတွေအတွက်ကတော့ ဒီဇိုင်း တွေတက်မလာသေးပါဘူး။ ဘာတိုး ဂိတ်မှလဲ အဆင်းမှာရော အတက်မှာ ပါမရှိပါဘူး။ လူထုဆီက ငွေကောက်ခံ စရာမရှိပါဘူး"ဟု ပြည်ထောင်စုဝန်ကြီး ဦးစိုးသိန်းက ဖြည့်စွက်ပြောကြားကြောင်း ရန်ကုန်တိုင်းမ် သတင်းမှာဖော်ပြထားပါသည်။ 
By: သစ်ထူးလွင်

အမျိုးသား လူ့အခွင့်အရေး ကော်မရှင် အကျဉ်းထောင်များသို့ ပထမဆုံး အကြိမ် သွားရောက် လေ့လာမည်

အကြောင်းအမျိုးမျိုး ကြောင့် ပြစ် ဒဏ်ကျ ခံနေရသည့် အကျဉ်းသားများ အား ပြစ်ဒဏ် ကျခံခြင်းမှပြန်လည်လွှတ် ပေးရန် နိုင်ငံတော်သမ္မတထံသို့ နှစ် ကြိမ်တိုင်တိုင် တောင်းဆို ထားသည့် အမျိုးသား လူ့အခွင့်အရေး ကော်မရှင် သည် ဒီဇင်ဘာ နှောင်းပိုင်းတွင် အ ကျဉ်းထောင် များသို့ ပထမဆုံး အကြိမ် သွားရောက် လေ့လာမည်ဖြစ်ကြောင်း အဆိုပါ ကော်မရှင်အဖွဲ့ဝင်နှစ်ဦးက ပြောကြားသည်။
အမျိုးသား လူ့အခွင့်အရေး ကော် မရှင် အနေဖြင့် အကျဉ်းထောင် များသို့ ပထမဆုံးအကြိမ် သီးသန့် သွားရောက် လေ့လာခြင်း ဖြစ်ကြောင်း ကော်မရှင် ဖွဲ့ဝင် ဒေါ်စန်းစန်းက မြန်မာပို့စ်ဂျာ နယ်သို့ပြောကြား သည်။
“အမျိုးသားလူ့အခွင့်အရေးကော် မရှင်အနေနဲ့ အကျဉ်းထောင် တွေကို သီးသန့် သွားရောက် လေ့လာတာက တော့ ဒါပထမဆုံး အကြိမ်ဖြစ်ပါတယ်။ ကချင်ပြည်နယ် သွားတုန်း ကလည်း အ ကျဉ်းထောင် တွေကို လေ့လာခဲ့ပါတယ်” ဟု ကော်မရှင်အဖွဲ့ဝင် ဒေါ်စန်းစန်းက ပြောကြားသည်။
ထိုသို့ အမျိုးသားလူ့အခွင့်အ ရေးကော်မရှင် က အကျဉ်းထောင်များ သို့သွားရောက်ခြင်းကို ဒီဇင်ဘာ နှောင်း ပိုင်းတွင် ဆောင်ရွက် မည်ဖြစ်ကြောင်း ကော်မရှင်အဖွဲ့ဝင် နှစ်ဦး စလုံးကထုတ် ဖော် ပြောကြား ခဲ့သော်လည်း သွား ရောက်လေ့လာမည့် ရက်အတိအကျ ကိုမူ ထုတ်ဖော်ပြောကြားခြင်းမပြုပေ။
“ကော်မရှင်အနေနဲ့ prison visit သွားဖို့ရှိတယ်။ ဒီလထဲမှာပဲသွား မယ်။ late December လောက်ဖြစ် မယ်။ ရက်ကလည်း ရွေးရသေးတယ်” ဟု ကော်မရှင် အဖွဲ့ဝင်တစ်ဦးဖြစ်သည့် ရန်ကုန် တက္ကသိုလ်၊ ဥပဒေ ပညာဌာန အငြိမ်းစားပါမောက္ခ / ဌာနမှူး ဒေါက် တာဒေါ်သန်းနွဲ့က မြန်မာပို့စ် ဂျာနယ် နှင့်တွေ့ဆုံစဉ် ပြောကြားသည်။
“ရှေ့အပတ် ထဲမှာ သွားဖို့များ တယ်။ လောလောဆယ် တော့ လျာ ထားတုန်းပဲ။ ဆရာမကြီး ပြောထားသ လိုပဲ။ ကျွန်မတို့က အကျဉ်းထောင် ထဲ ၀င်တာ၊ ထွက်တာက အစ စာသွား စာလာလိုတယ်လေ။ ဒါတွေကို လည်း စီစဉ်ရမှာပါ”ဟု ကော်မရှင်အဖွဲ့ဝင် ဒေါ်စန်းစန်းက ပြောကြားသည်။
ထိုသို့ သွားရောက်စစ်ဆေး ရာတွင် အဓိကအားဖြင့် ရန်ကုန်မြို့အနီး တစ် ၀ိုက်၌ တည်ရှိသော အကျဉ်းထောင် များ သို့ သွားရောက် လေ့လာမည်ဖြစ်ပြီး ရဲဘက် စခန်းများ သို့လည်းသွားရောက် မည်ဖြစ်ကြောင်း၊ သွားရောက် လေ့လာ မည့် အဖွဲ့တွင် အမျိုးသမီး commissioner  အနည်းဆုံး တစ်ဦး ပါဝင်မည် ဖြစ်ကြောင်း၊ အကျဉ်းထောင် နှင့် အ ကျဉ်းသားများ၏ အခြေအနေကို ခြုံငုံ လေ့လာပြီး တွေ့ရှိချက် များကို သက် ဆိုင်ရာ ဌာနများသို့ အကြောင်းကြား မည်ဖြစ်ကြောင်း သိရသည်။
“အဓိက အနေနဲ့ ရန်ကုန်ဧရိယာ မှာရှိတဲ့ အကျဉ်းထောင် တွေနဲ့ ရန်ကုန် အနီးအနား ပေါ့နော်။ ပြီးတော့ ရဲဘက် စခန်း တွေကိုလည်း ဖိတ်ခေါ်ထားပါ တယ်။ ကော်မရှင် အဖွဲ့ဝင်တွေလူခွဲပြီး သွားမယ်။ ဒါပေမဲ့ ဆရာမကြီး တို့ အ မျိုးသမီး commissioner ပါအောင် လိုက်မယ်။ ဆရာမကြီးတို့က သူတို့ရဲ့ နေထိုင်မှု တွေဘာတွေကို လေ့လာမယ်” ဟု ဒေါက်တာဒေါ်သန်းနွဲ့က ရှင်းပြ သည်။
“အခုအကျဉ်းထောင် တစ်ခုရယ်၊ ရဲဘက်စခန်း တစ်ခုစီရယ်ကို သွားရောက် လေ့လာမှာပါ။ ဘယ်နေရာ တွေဆိုတာ ကတော့ လောလောဆယ် တော့မသိ သေးဘူး။ ကော်မတီဝင် တွေ စုံညီအ စည်းအဝေးကို တနင်္လာနေ့ မှာလုပ်ပြီးမှ confirm ဖြစ်မယ်။ ကော်မရှင်ဥက္ကဋ္ဌ ကြီးအပါအ၀င် ရှစ်ဦးသွားမှာပါ။ အ ကျဉ်းသား တွေရဲ့အခြေအနေနဲ့ အ ကျဉ်းထောင်ရဲ့အခြေအနေ ကို ခြုံငုံ လေ့လာပြီးလိုအပ်ချက် တွေရှိရင် သက် ဆိုင်ရာကို တင်ပြသွားဖို့ရှိပါတယ်။ တွေ့ ရှိချက် တွေကို သက်ဆိုင်ရာဌာန တွေ ကို အကြောင်းကြား မှာပါ”ဟု ဒေါ် စန်းစန်းက ပြောကြားသည်။
ပြည်တွင်း အကျဉ်းထောင်များသို့ ၂၀၀၅ ခုနှစ်နှောင်းပိုင်းမှ စတင်၍၀င် ရောက်ခွင့်မရရှိခဲ့သော ICRC အဖွဲ့ ကို အစိုးရသစ် တာဝန်ယူပြီး သုံးလ အတွင်း ၀င်ရောက် ခွင့်ပြုခဲ့ကြောင်း၊ Water and Habitat အင် ဂျင်နီယာ ဆွစ်ဇာလန်နိုင်ငံသား မစ္စ တာအဲရစ်ဝိုင်ဆန် နှင့် ကွင်းဆင်း အရာ ရှိနှစ်ဦး မော်လမြိုင် အကျဉ်းထောင်သို့ ၀င်ရောက်လေ့လာ ခွင့်ရခဲ့ကြောင်း ဇူ လိုင် ၇ ရက်ထုတ် နိုင်ငံပိုင် သတင်းစာ များတွင် ဖော်ပြထားသည်။ အမျိုးသား လူ့အခွင့်အရေး ကော်မရှင် အနေဖြင့်မူ ဒီဇင်ဘာလ ကုန်ပိုင်းတွင် သွားရောက် လေ့ လာမှုသည် ပထမဆုံး တရားဝင် prison visit အဖြစ်မှတ်တမ်းဝင်မည်ဖြစ် သည်။
ခိုင်လင်းကျော်၊ ထွန်းလင်း
မြန်မာပို့ စ်

ပြည်ပနိုင်ငံမှ သက်သေခံလက်မှတ်ပါရှိလျှင် အိုင်တီပစ္စည်းများအတွက် အကောက်ခွန်ပေးဆောင်ရန်မလို

အာဆီယံနိုင်ငံများ၏ သဘောတူညီမှုအရ ကုန်သွယ်မှု အခွန်ကင်းလွတ်ခွင့်များကို သက်မှတ်ခဲ့ကြောင်း အဆိုပါကင်းလွတ်ခွင့်အရ အိုင်တီနှင့် ဆက်စပ်ပစ္စည်းများအတွက် ပြည်ပနိုင်ငံများမှ ကုမ္ပဏီများ၏ သက်သေခံမှုရင်းလက်မှတ်ပါရှိလျှင် အကောက်ခွန်ပေးဆောင်ရန် မလိုအပ်တော့ကြောင်း အကောက်အခွန်ဦးစီးဌာန၊ စီမံရေးရာ ဌာနခွဲ ညွှန်ကြားရေးမှုးဦးကျော်ဝင်းက ပြောသည်။ အကောက်အခွန်အနေဖြင့် အိုင်တီပစ္စည်းများတင်သွင်းရာ၌ သက်ဆိုင်ရာ နိုင်ငံများ၏ ကုမ္ပဏီများမှ သက်သေခံလက်မှတ် မှုရင်းများ တင်ပြနိုင်သူများကို သုညရာခိုင်နှုန်းအထိ အကောက်အခွန် လျှော့ပေးခြင်းဖြစ်သည်။ “ အများဆုံးကောက်လည်း ၅ ရာခိုင်နှုန်းပါပဲ။ သုညရာခိုင်နှုန်းအတွက် သက်သေခံမူရင်းလက်မှတ် ပြနိုင်ဖို့တော့လိုတယ်” ဟု ၎င်းက ဆိုသည်။ အာဆီယံနိုင်ငံများ၏ သဘောတူညီမှုအရ အိုင်တီပစ္စည်းများအတွက် အကောက်ခွန် သုညရာခိုင်နှုန်း သတ်မှတ်ထားသော်လည်း လက်ရှိတင်သွင်းနေသည့် စီးပွားရေးလုပ်ငန်းရှင်များအနေဖြင့် အိုင်တီပစ္စည်းများအတွက် အကောက်ခွန် ပေးဆောင်နေရဆဲဖြစ်ကြောင်း ရန်ကုန်မြို့လယ်ရှိ အိုင်တီစီးပွားရေးလုပ်ငန်းရှင်တစ်ဦးက ဆိုသည်။ “ကုန်သွယ်ခွန် ၁.၅ ရာခိုင်နှုန်းနဲ့ အကောက်ခွန် ၂.၅ ရာခိုင်နှုန်းက ပေးနေရတုန်းပဲ။ သုညရာခိုင်နှုန်း ဆိုတာမျိုးတော့ မကြုံဖူးသေးဘူး” ဟု အဆိုပါ စီးပွားရေးလုပ်ငန်းရှင်က ပြောသည်။ ကုန်သွယ်ခွန်နှင့် အကောက်ခွန်ကို ၁.၅ ရာခိုင်နှုန်းနှင့် ၂.၅ ရာခိုင်နှုန်း ပေးဆောင်ရသော်လည်း သတ်မှတ်ချက် ငွေလဲလှယ်ဈေးနှုန်းကြောင့် ပေးဆောင်နိုင်သည့် အနေအထားတွင် ရှိကြောင်း အဆိုပါ စီးပွားရေးလုပ်ငန်းရှင်က ဆိုသည်။ အာဆီယံနိုင်ငံများအကြား အကောက်ခွန်ကိစ္စရပ်နှင့် ပတ်သက်၍ အပြန်အလှန် အသိအမှတ်ပြုနိုင်ရန်အတွက် Soft Certificate Code ကို စမ်းသပ်အသုံးပြုနေပြီဖြစ်ကြောင်း၊ စမ်းသပ်သုံးစွဲမှုတွင် မြန်မာနိုင်ငံ အနေဖြင့် ပါဝင်နိုင်ခြင်း မရှိသေးသော်လည်း စင်ကာပူ၊ မလေးနှင့် ဘရူနိုင်း နိုင်ငံတို့၌ စတင်စမ်းသပ်သုံးစွဲနေကြောင်း အကောက်ခွန်ဦးစီးဌာန စီမံရေးရာဌာနခွဲ ညွှန်ကြားရေးမှူး ဦးကျော်ဝင်းက ပြောကြားခဲ့ကြောင်း ၂၀၁၁ ခုနှစ် ဒီဇင်ဘာ ၂၉ ရက်နေ့ထုတ် Internet ဂျာနယ်တွင် ဖော်ပြထားပါသည်။
By: သစ်ထူးလွင်

ရခိုင်ရနာသိုက်ညွန်းစာအုပ်

စာရေး ဆရာ သန်းဆွေတင့် ရေးသားသော ရခိုင်သမိုင်း နောက်ခံ အခြေပြု “ ဘဲငါးရာတောင်ပေါ်က ရတနာသိုက်” ၀တ္ထု စာအုပ်ကို မိုးကျော် စာပေက ထုတ်ဝေ ဖြန့်ချီလိုက်ကြောင်း သတင်း ရရှိသည်။နိရဉ္စရာမှ မိုးကျော် စာပေအား အဆိုပါ စာအုပ်နှင့် ပတ်သက်ပြီး ဆက်သွယ်မေးမြန်းရာ ဆိုင်တာဝန်ခံမှ အဆိုပါ စာအုပ်နှင့် ပတ်သက်ပြီး ယခုလို ပြောကြားသည်။ " ဟုတ်ကဲ့အကို၊ စာအုပ်က ရခိုင်ဘက်က အကြောင်းကို အခြေခံပြီးရေးသားထားပါတယ်။ စာအုပ်ရောင်းဈေးက ၁၂၀၀ ကျပ်ပါ။ သိပ်အရောင်းရကြီးတော့ မဟုတ်ပါဘူး။ လူတွေက တစ်အုပ်စ နှစ်အုပ်စတော့ လာဝယ် နေကြတယ်။ စာအုပ် ကျေညာက စထွက်လာတုန်းဘဲ ရှိတော့ နောက်ဘယ်လို ဖြစ်လာမလဲ ဆိုတာတော့ မသိရသေးဘူးနော်" ဟု ပြောသည်။

ဘဲငါးရာတောင်ပေါ်က ရတနာသိုက် ၀တ္ထုနှင့် ပတ်သက်ပြီး အောက်တိုဘာလ ၁၃ ရက်နေ့ထုတ် ကြေးမုံ သတင်းစာ စာအုပ်စင် ကဏ္ဍက ဖေါ်ပြရာတွင် " အဆိုပါ စာအုပ်သည် ရာဇ၀င်ကို အခြေခံ ရေးသားထားသော ၀တ္ထု ဖြစ်ပြီး သက်တိုင်းရင်းသားတို့၏ မထင်မရှား ပျောက်ကွယ်နေသော ရာဇ၀င် တစ်ပိုင်းတစ်စကို အကြောင်းပြု ဖြစ်ပေါ်လာသော ရှားပါး ၀တ္ထု တစ်ပုဒ်ကား အမှန်ပင် ဖြစ်သည်" ဟု ဖေါ်ပြထားသည်။

ဘဲငါးရာတောင်ပေါ်က ရတနာသိုက် ၀တ္ထုစာအုပ်မှာ ရှေးရခိုင်ဘုရင်များ ဘဲငါးရာတောင်ပေါ်တွင် ၀ှက်ထားခဲ့သော ရတနာသိုက်ကို အခြေခံပြီး ရေးသားထားသော စာအုပ် ဖြစ်သဖြင့် ရတနာသိုက် တည်ရှိမူမှာ သမိုင်းဆိုင်ရာ အရ အချက်အလက်များ ကိုက်ညီမူ ရှိပါသလားဟု သမိုင်းသုတေသီ တစ်ဦး ဖြစ်သူ မြောက်ဦးမြို့မှ ဦးကျော်ထွန်းအောင်အား မေးမြန်းရာ သူက ယခုလို ပြောသည်။

" သမိုင်းအရ ခုနှစ် သက္ကရာဇ်တွေ အကုန်လုံးလွဲနေပါတယ်။ ဗမာ ရာဇ၀င်တွေအအရ ပုဂံက စောမွန်နှစ်နဲ့ ရခိုင်က စုလစန္ဒြားမင်းနောက်ပိုင်း ငမင်းငတုံး မင်းတို့ဟာ ခေတ်ပြိုင် မဟုတ်ဘူး။ နှစ်ပေါင်း ၅၀၀ လောက်ကွာနေပါတယ်။ စောမွန်နှစ်ဆိုတာက ပုဂံ ခေတ် အလယ်ပိုင်းလောက်မှာ ဖြစ်တယ်လို့ ဗမာရာဇ၀င်တွေမှာ ရေးတယ်။ ဒါကြောင့် သမိုင်းအရ ခုနှစ် သက္ကရာဇ်တွေ လွဲနေတာကို တွေ့ရပါတယ်" ဟု ပြောသည်။

သို့သော် အဆိုပါ ရတနာ သိုက်နဲ့ ပတ်သက်ပြီး ဆရာက ယခုလို ဆက်ပြောသည်။

" ရခိုင်မှာ ရှေးရခိုင်ဘုရင်တွေ ၀ှက်ထားခဲ့တဲ့ ရတနာသိုက်တွေ အများကြီးပါ။ ဒါပေမယ့် ဘဲငါးရာတောင်မှာ ၀ှက်ထားခဲ့တဲ့ ရတနာသိုက်ဟာ အမှန်တကယ် ရှိသလား မရှိဘူးလားဆိုတာကိုတော့ မပြောတတ်ဘူး။ ပါးစပ် ရာဇ၀င်မှာတော့ ရှိတယ်။ ဒါပေမယ့် ခုလို ထုတ်ဖေါ် ရေးသားတဲ့ အတွက် ရခိုင် လူမျိုးတွေ အတွက် အကျိုး ရှိမလား၊ မရှိဘူးလားဆိုရင် ဆရာအမြင်က အကျိုးမရှိဘူးလို့ မြင်တယ်။ ဘာကြောင့် အကျိုးမရှိဘူးလို့ ပြောရသလဲ ဆိုရင် အချိန်အခါ အခြေအနေက ဒီလို ကိစ္စတွေကို ထုတ်ဖေါ်ရေးသားဖို့ မသင့်တော်ဘူးလို့ ထင်တဲ့ အတွက်ပါ" ဟု ဆရာက ပြောသည်။

၎င်းပြင် ဆရာက ယခု စာအုပ်အား ဒေသအတွင်းမှ မူလတန်း ကျောင်းအုပ်ကြီး ဆရာတစ်ဦးမှ စတင် ထုတ်ဖေါ်ရေးသားရာမှ ယခုလို ကျယ်ကျယ်ပြန့်ပြန့် ဖြစ်သွားကြောင်း ဆရာက ဆက်ပြောသည်။

"အဲဒီဆရာကြီးက ဒီစာအုပ်ကို ထုတ်ဖေါ်ရမယ်ဆိုတော့ မလုပ်သင့်ဘူးလို့ ကျနော်တို့က ထောက်ပြ ပြောဆိုပေမယ့် မရဘူး။ ဖေါ်ထုတ်ဖို့ လိုတယ်ဆိုပြီး ထုတ်ဖြစ်အောင် ထုတ်တယ်။ အဲဒီနောက်ပိုင်းမှာ ထွန်းကျော်ရီ (စစ်တွေ) က ဘဲငါးရာတောင်က ရတနာသိုက် အကြောင်းကိုရေးတယ်။ အခုတော့ ဆက်ပြီး ဆက်ပြီး ဒီရတနာသိုက်ကို ဖေါ်ထုတ်လာကြတာ ဖြစ်ပါတယ်" ဟု ပြောသည်။

အဆိုပါ ဘဲငါးရာတောင်ပေါ်က ရတနာသိုက် စာအုပ်ကို မိုးကျော်စာပေ အမှတ် (၃၈၅မျဉ်းစောင်း ၃၈၇)၊ ၂၉ လမ်းနှင့် ရွှေဘုံသာလမ်း (အထက်) ဖုန်း ၇၀၄၂၉၇၊ ၃၈၉၅၅၈၊ ၀၉ ၇၃၀ ၂၉၁ က ဖြန့်ချီလိုက်ကြောင်း သိရသည်။

-------------------------------------------------------------------------------------------------------

ဘဲငါးရာတောင် ရတနာသိုက်နှင့် ပတ်သက်ပြီး နိရဉ္စရာ သတင်းဌာနမှ ဖေါ်ပြခဲ့သော သတင်းကို အောက်တွင် ဖတ်ရှု့နိုင်ပါသည်။

ဘဲငါးရာတောင်တွင် ရှေးရခိုင် ဘုရင်များ၏ ၀ှက်ထားခဲ့သော ရတနာသိုက် ရှာတွေ့ပြီ ဖြစ်ကြောင်း ပြည်တွင်း မီဒီယာ တစ်ခုက ထုတ်ဖေါ်ရေးသား

ရခိုင်ပြည်နယ် ပုဏ္ဍားကျွန်းမြို့နယ် ဘဲငါးရာ တောင်အနီး ရှေးရခိုင် ဘုရင်များ မြှုပ်နှံထားသော ဘုရင့်ရတနာ သိုက်ကို ခေတ်မီ High Tech (NASA-Technology Digital Image)နည်းဖြင့် ရှာဖွေ တွေ့ရှိ နိုင်ခဲ့ပြီ ဖြစ်ကြောင်း ပြည်တွင်း မီဒီယာ တစ်ခုက ထုတ်ဖေါ် ရေးသားသည်။

မေသဇင်ဆိုသူ သတင်းထောက်ရေးသားသော သတင်းကို ဇွန်လ ၉ ရက်နေ့က ရန်ကုန် မီဒီယာ အုပ်စုက အင်တာနက် စာမျက်နာတွင် ထိုသို့ ထုတ်ဖေါ်ရေးသားခဲ့ခြင်း ဖြစ်သည်။

အဆိုပါ သတင်းတွင် ရှေးရခိုင် ဘုရင်များ မြှုပ်နှံထားသော ရတနာသိုက် နေရာကိုံငါ့ High Tech Geology (NASA ထုတ်ထားသော ဂြိုဟ်တု Lan-dsat-7 ETM+(2000) Digital Image Data ရှိ Spectrum လိုင်းများကို အထူးပြုလေ့လာခြင်း ဖြင့် ၎င်းင်းရတနာသိုက်များမြှုပ်နှံထားသည့် နေရာရှစ်နေရာတွေ့ရှိရသည်ဟု Global 9 Education မှသိရကြောင်း ဖေါ်ပြသည်။

ထို့ပြင် ယင်း နေရာများကို ကွင်းဆင်းတိုင်းတာပြီးမှ မြှုပ်နှံ သည့်နေရာကိုအတည် ပြုထားခြင်းဖြစ် ကြောင်း ဖေါ်ပြသည်။

''ဒီရှေးဟောင်းဘုရားတွေမြှုပ် နှံထားတဲ့နေရာကို တရားဝင်တူးဖော်ချင်ရင် နိုင်ငံတော်ကနေ တရားဝင်ခွင့်ပြုမိန့်တောင်း ခံရမယ်။ ပြီးရင် အဲဒီနေရာတွေကို ကွင်းဆင်း အသေးစိတ်တိုင်းထွာပြီးမှ စနစ်တကျ တူးဖော်သင့်ပါတယ်။ ရှေးဘုရင် တွေမြှုပ်နှံထားတဲ့ ရတနာသိုက်တကယ်ရှိပြီ ဆိုတာကိုတော့ အတည်ပြုလို့ရပါပြီ''ဟု ဒဂုံ တက္ကသိုလ်ဘူမိဗေဒဌာနမှအငြိမ်းစား ပါ မောက္ခ ဦးစိုးသိန်းက ပြောကြောင်း ဖေါ်ပြသည်။

ယင်းရတနာသိုက်နေရာအား လွန်ခဲ့သည့်ငါးလလောက်က တွေ့ရှိခဲ့ခြင်း ဖြစ်ကြောင်း သိရဟု ပြောသည်။

ဘဲငါးရာတောင်သည် ရခိုင် ပြည်နယ် ပုဏ္ဏားကျွန်းမြို့၏ မြောက်ဘက် ၁၆ မိုင်အကွာ ကုလားတန်မြစ် အနောက် ဘက်ကမ်း ယိုးတရုတ်စံပြကျေးရွာကြီးအနီး စစ်တွေ-ရန်ကုန်ကားလမ်းမကြီး၏ အနောက်ဘက် တစ်မိုင်ခန့် အကွာတွင် တည်ရှိသည်။ တောင်ထိပ်၏ အမြင့်မှာ ပေ ၁၃၆၀ခန့် မြင့်မားပြီး အရှည် ၅၆၃ ပေ နှင့် အကျယ် ၄၆ပေရှိကာ ရခိုင်ပြည်နယ် မြောက်ပိုင်းဒေသ၏ ဗဟိုချက်မတွင် တည် ရှိကြောင်း သိရသည်။

အဆိုပါတောင်တန်း၏ အနီး ၀န်းကျင်တွင် မြတ်စွာဘုရား၏ဓာတ်တော်၊ မွေတော်များဌာပနာသော သမိုင်းဝင်စေတီ တော်များတည်ရှိကာ ဤဘဲငါးရာတောင် ပေါ်တွင် ဘဲများ နေထိုင် ကျက်စား ခဲ့ဖူးကြောင်း၊ ယင်းကိုအစွဲပြု၍ဘဲငါးရာတောင်ဟုအမည် တွင်လာခြင်းဖြစ်ကြောင်းသိရသည်။ ရှေး ရခိုင်ဘုရင်များသည် စစ်ရှုံး၍ ဘေးလွတ်ရာ သို့ထွက်ပြေးသောအခါ ၎င်းင်းတို့သယ်ဆောင် နိုင်သော အဖိုးတန် ရတနာပစ္စည်းများ ပါတစ် ပါတည်းသယ်၍ ဘေးလွတ်ရာသို့ပြေးလေ့ရှိ သည်ဟု ဆိုသည်။

အေဒီ ၆၃၈ခုနှစ်တွင် နတ် ရွာစံ သောဝေသာလီခေတ်စန္ဒြားမင်းဆက် ကိုးဆက်မြောက် စူလစန္ဒြားမင်း နတ်ရွာစံစဉ် မိဖုရားကြီးစန္ဒာဒေ၀ီ၏သားတော်သက် မင်း ငအောင်လာမှ ထွက်ပြေးတိမ်းရှောင်စဉ်ပါ လာသော နန်းစဉ်ရတနာရွှေ၊ ငွေကျောက် သံပတ္တမြားတို့ကို ရန်သူ၏လက်မှလွတ်ကင်း စေရန် ဘဲငါးရာ တောင်ထိပ်ရှိ အနောက် တောင်ဘက်တွင် ယန္တရားအစီအမံများဖြင့် တွင်းတူးကာ မြှုပ်နှံခဲ့ခြင်း ဖြစ်သည်။

ထို့နောက် အဆိုပါ ရတနာသိုက် မပျက်စီးမဆုံးရှုံးရအောင် ဘဲငါးရာရှင်မနှင့် နတ်ကောင်း နတ်မြတ်တို့အား ကူညီစောင့် ရှောက်ပေးတော်မူပါဟု တိုင်တည်ကာ အဓိ ဋ္ဌာန်ပြုထားခဲ့သည်ဟု ဆိုသည်။

အဆိုပါရတနာသိုက်အား မက် မောသော ပုဂံမင်းစောမွန်နစ်မှာစုံစမ်းရှာ ဖွေရင်း စမ်းမတွိမြို့ကို တိုက်ခိုက်ခဲ့ပြန်သည်။ ဘုရင်သက်မင်းငအောင်လာသည်လည်း မြှုပ် နှံထားခဲ့သည့်ရတနာတို့ကို မယူနိုင်တော့ဘဲ ဘင်္ဂလားဒေ့ရ်ှသို့ ထွက်ပြေးတိမ်းရှောင် ခဲ့ရသည်။ ထို့နောက် ဘင်္ဂလားဒေ့ရှ်၌ပင် နတ်ရွာစံခဲ့သည်ဟု ဆိုသည်။

(စမ်းမတွိ-ကုလားတန်မြစ် လက်တက်တစ်ခုဖြစ်သော စမ်းမတွိချောင်း၊ ထိုနေရာတွင် နန်းမြို့ တည်ခဲ့ခြင်းဖြစ်သည်) ပုဂံမင်း ဘုရင် စောမွန်နစ်မှာလည်း အဆိုပါ ရွှေ၊ ငွေ၊ ရတနာများကို ရှာမတွေ့ခဲ့ဘဲ နောက်ပြန်လှည့်သွားခဲ့ရသည်ဟုဆိုသည်။

ဘဲငါးရာတောင်တွင် ရတနာ သိုက်ရှိသည်ဟု လူအများသိရှိလာသည့် အခါသိုက်တူးသမားများ မကြာခဏ လာ ရောက်ခဲ့ကြပြီး ရတနာသိုက်ရယူရန် ကြိုး စားခဲ့ကြသော်လည်း အကြောင်းတစ်ခုခု ကြောင့် အစီအစဉ်ပျက်သွားတတ်သည်ဟု ဘဲငါးရာတောင်မှ ရှေးလူကြီးများက ပြော ကြသည်။

ထို့ပြင် ဘဲငါးရာတောင်ရိပ်ထိုး သော ပတ်ဝန်းကျင်ကျေးရွာဒေသများတွင် ဘဲမွေးကာ စားသောက်ခြင်း၊ ဘဲဥစားခြင်း မရှိရဆိုသည့် အယူအဆမှာ ၎င်းင်းဒေသရှိ ရှေးဘိုးဘေးစဉ်ဆက်ကပင် ယုံကြည်ကျင့် သုံးလာခဲ့ကြသည်မှာ ဤတောင်၏ထူးခြား ချက်ပင်ဖြစ်ကြောင်းသိရသည်။ ယင်းတောင် တွင် နှစ်စဉ် တန်ဆောင်မုန်း လပြည့်နေ့ည ၌ အတ္တလောက၊ ပရလောက သားတို့လာ ရောက်ဆေးပေါင်းလေ့ ရှိသည်ဟု ဒေသခံ များက ယုံကြည်နေကြဆဲပင်ဖြစ်သည်။

''ပြီးခဲ့တဲ့ငါးလလောက်က ဖလား ၀ါးနယူးစ်ဂျာနယ်မှာ အခန်းဆက်ပါခဲ့တဲ့ ဦးထွန်းကျော်ရီ(စစ်တွေ)ရဲ့ ဆောင်းပါးကို ဖတ်ပြီး နှစ်ပတ်အတွင်းမှာပဲ ဒီရှေးဟောင်း ရတနာတွေ မြှုပ်နှံထားတဲ့နေရာကို ရှာခဲ့ တယ်။ အဲဒီနှစ်ပတ်အတွင်းမှာပဲ ရှာတွေ့ခဲ့ တာပါ။ အဲဒီနောက်ပိုင်း သတင်းထုတ်ပြန် ဖို့ တော်တော် လေး စဉ်းစားနေခဲ့ရတယ်။ မတော်လောဘသမားတွေနဲ့ မသမာသူတွေ သိသွားမှာ စိုးတယ်။ သမိုင်းဝင်လဲ ဖြစ်တာ ကြောင့် အစိုးရခွင့်ပြုချက်နဲ့မှ တူးခွင့်ရမှာ မို့လို့ပေါ့'' ဟု ဦးစိုးသိန်းက ဆက်လက်ပြော ပြခဲ့သည်။ အထက်ဖော်ပြပါသတင်းဆောင်း ပါးအား ဦးထွန်းကျော်ရီ(စစ်တွေ)၏ ဖလား ၀ါးနယူးစ် ဂျာနယ်အတွဲ(၆)၊ အမှတ်-၄၉နှင့် ၅၀တို့တွင် နှစ်ပတ်ဆက်တိုက်ဆောင်းပါး အဖြစ်ဖော်ပြခဲ့သည့် ကုလားတန်မြစ်အနောက် ဘက်ကမ်းမှ သမိုင်းဝင်ဘဲငါးရာတောင်နှင့် ထူးခြားသောဖြစ်ရပ်များေ ဆာင်းပါးအား ကိုးကား၍ ပြန်လည်ဖော်ပြထားခြင်းဖြစ်ပါ သည်။